Tryezë e përbashkët për diskutimin e reformës së ALTERTEKST-it

19 Shkurt 2010

Fondacioni i Shoqërisë së Hapur për Shqipërinë (Fondacioni Soros) , në prani të përfaqësuesve të MASH, të bordit të vlerësimit të teksteve, të Drejtorise Arsimore Tiranë, të shtëpive botuese të librit shkollor, të autorëve të teksteve, të drejtorëve të shkollave, të kryetarëve të komisioneve lëndore zhvilloi tryezën e përbashkët “Përmirësimi i reformës së ALTERTEKST-it”. Tryeza u përqëndrua në çështje të rëndësishme si prezantim i reformës së ALTERTEKST-it, politikat dhe procedurat, zbatimi dhe monitorimi i procesit dhe ndryshimet e reflektuara në udhëzimin i ri. Tryeza synonte rritjen e transparencës dhe e bashkëpërgjegjësisë të të gjithë aktorëve të përfshirë në procesin e realizimi të ALTERTEKST-it.

Këshilltari i ministrit të Arsimit, z. Jovan Kristiqi prezantoi ndryshimet që janë bërë në reformën e teksteve shkollore. Sipas tij, në ndryshim nga vitet e shkuara, udhëzimi i ri rezervon më tëpër kohë në dispozicion për autorët e teskteve dhe për vlerësuesit e tyre, janë përcaktuar rregulla më të qarta për komisionet vlerësuese, janë shtuar filtrat dhe kontrolli për mënjanimin e teksteve të dobëta, ndërsa ka një politikë të veçantë për shpërndarjen e librave mësimorë, për tekstet e emigrantëve dhe minoriteteve, çka këto të fundit do të financohen njëqind për qind nga MASH. Duke marrë për bazë edhe paketën informuese të aprovuar nga MASH, “Alterteks 2010-2011”, pjesëmarësit në tryezë vlerësuar vullnetin e ministrisë për të bërë ndryshime me qëllimin final tekste sa më cilësore, por tërhoqën vëmendjen edhe për disa probleme që do të shkaktonte zbatimi i saj në praktikë.

Disa botues si Latif Ajrullai, Evis Themeli, Rita Petro, Anila Bisha thanë se ata ishin ndjerë jashtë këtij procesi dhe se nuk ishin marrë në konsideratë shqetësimet e tyre. Të tjerë të pranishëm si autorë tekstesh si Dhurata Shehri, Dhimitër Doka, Mimoza Gjokutaj, Petrit Bërhami kontestuan mbylljen e procesit të hartimit të programeve të kurrikulës ndaj autorëve të teksteve, kohën e kufizuar që vihet në dispozicion për vlerësimin e teksteve dhe mos marrjen parasysh të shqetësimeve të tyre. Në vazhdim u shpreh shqetësimi ndaj ngurtësisë që shfaqin programet e lëndëve, mungesës së objektivave shkencor për çdo lëndë dhe kapitull, vështirësia e shitjes së librit në shkollë si pasojë e procedurave të tatimit të shit-blerjes si dhe centralizimi i procesit të përzgjedhjes së tekstit nga ai në nivel shkolle i zbatuar përgjatë viteve të kaluar në atë në nivel grup shkollash që parashikohet në udhëzimin e ri. Në tryezë një vend të veçantë debati pati edhe për tema të tilla si procedura e hartimit dhe miratimit të programeve, procedura e ndërtimit të partneritetit MASH – shtëpi botuese dhe autorë, procedura e hartimit të teksteve, procedura e vlerësimit dhe çertifikimit të teksteve, procedura e përzgjedhjes së teksteve në shkolla, shpërndarja e librit deri tek nxënësi dhe procedura e rishikimit të cilësisë së programeve dhe teksteve.

Kliko këtu për të parë dokumentin përmbledhës për reformën e ALTERTEKST-IT.



Gazeta Panorama

Alterteksti, SOROS mbledh aktorët për reformën

Reforma e Altertekstit u vu dje në fokus të tryezës së organizuar nga fondacioni “Soros”. Të pranishëm ishin edhe përfaqësuesve të MASH, të bordit të vlerësimit të teksteve, të Drejtorive Arsimore në rreth, të shtëpive botuese të librit shkollor dhe autorë të teksteve. Tryeza u përqendrua gjithashtu në çështje të rëndësishme, si politikat dhe procedurat, zbatimi dhe monitorimi i procesit dhe ndryshimet e reflektuara në udhëzimin e ri. Këshilltari i Ministrit të Arsimit, Jovan Kristiqi, foli në takim për ndryshimet që janë bërë në reformën e teksteve shkollore. Sipas tij, në ndryshim nga vitet e shkuara, në këtë reformë ka më shumë kohë për autorët e teksteve dhe për vlerësuesit e tyre, janë përcaktuar rregulla më të qarta për komisionet vlerësuese, janë shtuar filtrat dhe kontrolli për mënjanimin e teksteve të dobëta. Dritan Nelaj, përfaqësues i fondacionit Soros, tha ndër të tjera se arsyeja e tryezës është rritja e transparencës dhe e bashkëpërgjegjësisë të të gjithë aktorëve të përfshirë në procesin e realizimit të Altertekstit. Disa botues si Evis Themeli, Rita Petro, Anila Bisha thanë se ata ishin ndjerë jashtë këtij procesi dhe nuk ishin marrë në konsideratë shqetësimet e tyre.


Gazeta Metropol

Kriteret për vlerësimin e teksteve shkollore
21/02/2010 Soros: Tryezë e përbashkët për diskutimin e Altertekstit

Hidhen për diskutim ndryshimet që do të bëhen në zbatim të reformës së ndërmarrë për sigurimin e teksteve shkollore gjatë vitit të ardhshëm mësimor. Për këtë fondacioni “Soros” ka mbledhur në një tryezë të përbashkët përfaqësues të Ministrisë së Arsimit, bordit të vlerësimit të teksteve, të drejtorive arsimore, shtëpive botuese të librave shkollorë si dhe autorë tekstesh për të diskutuar zbatimin e këtyre ndryshimeve. Sipas udhëzimit të ri të miratuar nga Ministria e Arsimit, shitja e librave nuk do bëhet më në librari, por nëpër shkolla, ndërsa përzgjedhja e teksteve dhe autorëve do të kalojë në disa filtra. Lidhur me risitë, kshilltari pranë ministrit të Arsimit Jovan Kristiqi ka deklaruar se në ndryshim nga vitet e shkuara në këtë reformë ka më shumë kohë për vlerësimin e autorëve dhe teksteve, duke qenë se janë përcaktuar rregulla më të qarta për komisionet vlerësuese, janë shtuar filtrat dhe kontrolli për mënjanimin e teksteve të dobëta. Gjithashtu Kristiqi ka shtuar se janë ndërmarrë politika të veçanta për shpërndarjen e librave mësimorë, për tekstet e emigrantëve dhe minoriteteve dhe se këto të fundit do të financohen një qind për qind nga Ministria e Arsimit. Dritan Nelaj, përfaqësues i fondacionit “Soros”, tha ndër të tjera se arsyeja e tryezës është rritja e transparencës dhe e bashkëpërgjegjësisë së gjithë aktorëve të përfshirë, nëse ata ishin ndier jashtë këtij procesi dhe nuk ishin marrë në konsideratë shqetësimet e tyre. Të tjerë të pranishëm, si autorë tekstesh, kontestuan mosdemokratizimin e programit, kohën e paktë që jepet për vlerësimin e teksteve dhe mosmarrjen parasysh të shqetësimeve të tyre. Megjithatë, kjo reformë do të shoqërohet me ndryshime të tjera, që kanë të bëjnë me tema të tilla si: procedura e hartimit dhe miratimit të programeve, procedura e ndërtimit të partneritetit MASH–shtëpi botuese dhe autorë, procedura e hartimit të teksteve, procedura e vlerësimit dhe certifikimit të teksteve etj.


ATSH

SOROS ORGANIZON TRYEZË TË PËRBASHKËT PËR DISKUTIMIN E ALTERTEKSTIT

TIRANË, 19 Shkurt /ATSH-A.Drenofci/- Fondacioni Soros ka organizuar të premten një tryezë të përbashkët për “ përmirësimin e reformës së Altertekstit” në prani të përfaqësuesve të Ministrisë së Arsimit , të Drejtorisë Arsimore të Tiranës, të shtëpive botuese të Librit Shkollor dhe të drejtorëve të shkollave në kryeqytet.
Tryeza u përqëndrua në çështje të rëndësishme, si prezantim i reformës së Altertekstit, politikat dhe procedurat, zbatimi dhe monitorimi i procesit dhe ndryshimet e reflektuara në udhëzimin i ri.
Këshilltari i Ministrit të Arsimit, z. Jovan Kristiqi foli në takim për ndryshimet që janë bërë në reformën e teksteve shkollore.
Sipas tij, në ndryshim nga vitet e shkuara, në këtë reformë ka më shumë kohë për autorët e teskteve dhe për vlerësuesit e tyre, janë përcaktuar rregulla më të qarta për komisionet vlerësuese, janë shtuar filtrat dhe kontrolli për mënjanimin e teksteve të dobëta, ndërsa ka një politikë të veçantë për shpërndarjen e librave mësimorë, për tekstet e emigrantëve dhe minoriteteve, çka këto të fundit do të financohen njëqind për qind nga MASH.
Dritan Nelaj, përfaqësues i fondacionit Soros, tha ndër të tjera se “arsyeja e tryezës është rritja e transparencës dhe e bashkëpërgjegjësisë të të gjithë aktorëve të përfshirë në procesin e realizimi të Altertekstit”.
Duke marrë për bazë edhe paketën informuese të MASH-it, “Alterteks 2010-2011”, pjesëmarësit në tryezë vlerësuan vullnetin e ministrisë për të bërë ndryshime me qëllimin final për tekste sa më cilësore, por tërhoqën vëmendjen edhe për disa probleme që do të sillte zbatimi i saj në praktikë. /a.gj/

Gazeta Shqip

Specialistët mblidhen së bashku për të diskutuar mbi ndryshimet që do të pësojë reforma e Altertekstit.

Ministria e Arsimit dhe Fondacioni Soros organizuan tryezën e diskutimeve me temë “Përmirësimi i reformës së Altertekstit, duke “kryqëzuar” mendimet me përfaqësues të vlerësimit të teksteve, të shtëpive botuese, të autorëve të teksteve, të drejtorëve të shkollave, të kryetarëve të komisioneve lëndore. Këshilltari i ministrit të Arsimit, Jovan Kristiqi, prezantoi ndryshimet që janë bërë në reformën e teksteve shkollore. Sipas tij, në ndryshim nga vitet e shkuara, udhëzimi i ri rezervon më tepër kohë në dispozicion për autorët e teksteve dhe për vlerësuesit e tyre. Janë përcaktuar rregulla më të qarta për komisionet vlerësuese, janë shtuar filtrat dhe kontrolli për mënjanimin e teksteve të dobëta, ndërsa ka një politikë të veçantë për shpërndarjen e librave mësimorë, për tekstet e emigrantëve dhe minoriteteve, çka këto të fundit do të financohen njëqind për qind nga MASH.

Në tryezë, një vend të veçantë debati, pati edhe për tema të tilla si procedura e hartimit dhe miratimit të programeve, procedura e ndërtimit të partneritetit MASH – shtëpi botuese dhe autorë, procedura e hartimit të teksteve, procedura e vlerësimit dhe certifikimit të teksteve, procedura e përzgjedhjes së teksteve në shkolla, shpërndarja e librit deri tek nxënësi dhe procedura e rishikimit të cilësisë së programeve dhe teksteve.